VOV4.Êđê - Klei rang mdah rup “Ƀuôn prŏng Hồ Chí Minh – 47 thŭn hrăm mbĭt hŏng ala čar, kyua ala čar” dưi kčưm pŏk leh hruê mbruê ti êlan êbat jơ̆ng Nguyễn Huệ, ƀuôn prŏng Hồ Chí Minh. Klei răng mdah anei dưi mkŏ mjing mơ̆ng hruê 27/4 truh kơ hruê 07/05 ti 4 bĭt anôk jing: êlan Nguyễn Huệ, êlan Đồng Khởi, tlă anăp hŏng war mnga Chi Lăng leh anăn sang dhar kreh mnuih mă bruă, kdriêk čar mrô 1. Ti êlan Nguyễn Huệ leh anăn êlan Đồng Khởi, êpul mkŏ mjing rang mdah 90 pŏk rup hưn mdah klah čŭn klei dưi thŭn 1975 leh anăn dŭm pŏk rup bi êdah klei đru mguôp yuôm bhăn mơ̆ng ƀuôn prŏng Hồ Chí Minh hŏng klei mlih mrâo leh anăn dŭm boh tŭ dưn mbĭt mơ̆ng ala čar hlăm dŭm mta bruă msĕ si: bruă duh mkra, mtô mjuăt bi hriăm, klei kreh knhâo mrâo mrang, mđĭ hĭn klei mjĕ êrô, bi hgŭm hŏng dŭm ala čar dlông rŏng lăn, kñăm mkŏ mjing klei găl kơ dŭm knơ̆ng bruă hlăm leh anăn êngao ala čar bi mguôp, duh bi liê leh anăn mdĭ kyar ƀuôn prŏng.

Y-Ƀel pô mblang