VOV4.Êđê- Ti anôk bruă dhar kreh čar Dak Lak, Êpul hgŭm phung čih kač rup Việt Nam bi hgŭm hŏng Knơ̆ng bruă dhar kreh- mjuăt ktang asei mlei - hiu čhưn ênguê Dak Lak mrâo mkŏ mjing klei rang mdah rup mkŏ - canavan klei čih kač rup ala čar Việt Nam. Klei rang mdah hưn mthâo êbeh 100 pŏk rup mơ̆ng phung čih kač hlăm hdră canavan – klei čih kač rup ala čar Việt Nam leh anăn phung čih kač rup hlăm Êpul hgŭm čih kač rup čar Dak Lak hlue ngă. Dŭm pŏk rup lač kơ klei hdĭp jăk mơak anak mnuih leh anăn krĭng lăn Dap Kngư. Klei bi lông anei mphŭn pŏk thŭn 2022, jing sa anôk mčeh kač rup mâo 20 čô dưi hrŏng ruah.

Gưl čih kač rup tal êlâp dưi mkŏ mjing ti gŭ klei bi hgŭm mơ̆ng Êpul hgŭm čih kač rup Việt Nam adŭ bruă kwar Dhŭng leh anăn Vietnam Art Space, mphŭn pŏk mơ̆ng ƀuôn prŏng Hồ Chí Minh truh ti Đà Nẵng, hlăm ktuê êlan srăng găn lu alŭ wăl msĕ si: Dak Lak, Kon Tum, Bình Định, Phú Yên čiăng bi êdah klei jăk mơak mơ̆ng dŭm krĭng lăn ala mơ̆ng klei mbruă phung čih kač rup./.

Pô mblang: H’Zawut Ƀuôn Yă