Leh 2 thŭn hrŏ klei truh hlăm êlan klông, hlăm 5 mlan akŏ thŭn 2024, boh sĭt klei truh hlăm êlan klông ti čar Dak Nong lŏ dleh ksiêm dlăng, hŏng 57 klei truh ngă kơ 37 čô djiê, 38 čô êka. Mkă hŏng wưng anei thŭn 2023, Klei truh hlăm êlan klông ti Dak Nông đĭ wăt kơ ênoh mâo klei truh, ênoh mnuih djiê leh anăn mnuih êka.

Phŭn agha klei klei thâo săng hluê ngă hdră bhiăn mơ̆ng phung găn êrô hlăm êlan klông ka kluôm ôh, bruă mgaih msir dŭm klei dleh kpăk kơ bruă mkŏ mjing êlan klông ti alŭ wăl ka hmao ngă.

Bi kơ dŭm hdră êlan răng mgang klei êđăp ênang hlăm êlan klông hlăm wưng kơ anăp, Thượng tá Phạm Quốc Lập, khua adŭ bruă kahan ksiêm êlan klông, kahan ksiêm čar Dak Nông brei thâo, anôk bruă mâo leh klei ksiêm dlăng, hưn mdah hŏng bruă sang čư êa alŭ wăl leh anăn dŭm dhar bruă djŏ tuôm nao hgŭm, mđĭ hĭn bruă hâo hưn hlăk mblang klei bhiăn lăn čar, mđĭ hĭn bruă gak răng, ƀuah mkra klei ngă soh hlăm êlan klông, mtrŭt mjhar hdră jih jang mnuih ƀuôn sang nao hgŭm kčŭt hưn klei ngă soh hlăm êlan klông.