VOV4.Êđê - Kkuh mơak bi hdơr 47 thŭn hrue Kontum mâo klei êngiê (16/3/1975-16/3/2022), 69 thŭn hrue Knhuah gru klei mă rup Việt Nam, tlam mbrue (15/3) ti djiêo knưng bi hdơr klei mblah dưi ti wăl tač wăl krah Măng Đen, kdriêk Kon Plong, Êpul hgŭm văn học nghệ thuật čar Kontum bi hgŭm hŏng knơ̆ng bruă sang čư̆ êa kdriêk Kon Plông mkŏ mjing klei yuôl mdah rup. Bruă anei mâo Êpul hgŭm Văn học nghệ thuật čar Kontum bi mguôp hŏng kdriêk Kon Plông mkŏ mjing yuôl mdah truh 120 pŏk rup mơ̆ng 12 čô mă rup.

Anei jing rup mâo ênoh čuăn ruah mơ̆ng gưl dlông lehanăn alŭ wăl. Hlăm anăn mâo lu rup mâo mă leh klei pah mni hlăm ala čar lehanăn ti ala tač êngao. Klei yuôl mdah rup mkŏ mjing mơ̆ng hrue 15/3 – 25/3 jing djŏ hlăm wưng klei bi lông djăp mta knhuah gru dhar kreh djăp djuê ana krĭng duôr čư̆ prŏng Lăn Dap Kngư tal 3 thŭn 2022, lehanăn lŏ wĭt pŏk ƀăng dŭm anôk hiu čhưn ênguê hlăm čar srăng mjing djăp mta klei jăk./.

Y-Khem pô mblang