Klưh hrŏ prŏng ti kčŭn čư̆ Gia Bắc, êlan dơ̆ng prŏng mrô 28 hlŏng kăm ghă amâo dưi găn êrô ôh
Thứ năm, 10:38, 04/12/2025
VOV TAYNGUYEN
VOV TAYNGUYEN
VOV.Êđê- Mlam mmăt mbrue 3/12, hjan prŏng sui mmông ngă leh lu anôk klưh prŏng ti kčŭn čư̆ Gia Bắc, dôk hlăm êlan dơ̆ng prŏng mrô 28, kdrêč găn ƀuôn hgŭm Sơn Điền (čar Lâm Đồng).
Leh mâo klei klưh hroh, êpul bruă djŏ tuôm kăm ghă leh klei găn êrô, rơ̆ng čiăng mâo klei êđăp ênang.
Mâo yap truh 5 bĭt anôk klưh hroh, hlăm anăn mâo sa anôk jing prŏng klưh sa ênoh lăn boh tâo mơ̆ng taluy nah dlông, hlŏng kdơr jih ƀô̆ êlan, Knơ̆ng bruă sang čư̆ êa ƀuôn hgŭm Sơn Điền hlăk hgŭm hŏng kahan ksiêm êlan klông čar Lâm Đồng dôk gak răng hrue mlam, ktrâo atăt êdeh êdâo lŏ wĭt kơ tluôn, amâo mâo ôh hlăm dŭm alŭ wăl mâo klei jhat truh. Êpul bruă kiă kriê êlan klông hlăk tiŏ nao leh mnuih, êdeh êdâo nao mghaih msir anôk jhat rai./.
Viết bình luận