-"Ênoh jih jang dŭm klei bi hmô tui hriăm lehanăn hlue ngă knhuah mngač mơ̆ng Awa hŏng jih jang dŭm gưl hlăm kluôm ala yap mơ̆ng mlan 4 leh êgao jing êbeh 25.500 mta klei bi hmô”.

Anei jing klei mâo bi êdah ti anôk bi kƀĭn kluôm hlue ngă klei bi klă mrô 01 mơ̆ng phŭn bruă kđi čar gưl 13, lehanăn lŏ hlue ngă asăp mtrŭn mrô 05 kơ̆ “klei mđĭ hĭn tui hriăm lehanăn hlue ngă knhuah mngač Hồ Chí Minh” mâo Êpul bruă kiă kriê klei hâo hưn gưl dlông mkŏ mjing hrue mbrue (12/6) hâo mdah ti anôk bi kƀĭn, brei ƀuh boh tŭ dưn klei hlue ngă klei bi mklă mrô 01 mơ̆ng phŭn bruă kđi čar gưl 13 hlăm 2 thŭn êgao, dŭm boh čar, ƀuôn prŏng lehanăn dŭm anôk bruă mâo leh hdră ngă hŏng klei kjăp, djŏ hdră êlan. Mơ̆ng anăn mâo lu hdră ngă jăk hĭn, hŏng klei mbruă, hŏng mta mrâo ngă leh ti lu alŭ wăl, đru bi leh hlăm dŭm ênoh čuăn kơ klei mđĭ kyar bruă duh mkra ala ƀuôn, bruă răng mgang klei êđăp ênang, bruă hŏng tač êngao, bruă mkŏ mjing Đảng lehanăn bruă kđi čar.