Blŭ hrăm ti anôk bi hdơr, Khua gĭt gai Đảng Tô Lâm lač, hŏng bruă ñu Khua gĭt gai Nguyễn Văn Linh jing leh pô mkŏ mjing klei mlih mrâo prŏng, ruh mgaih jih klei dleh kpăk, pok klei êngiê kơ nah gŭ, mkŏ mjing klei duh mkra êngao knŭk kna, mkŏ mjing klei duh mkra mnia mblei êngiê, dưi pŏk mlar lehanăn ñŭ kma hŏng ala tač êngao.

Mñă hlăm wưng jih djuê ana hlue ngă tŭ jing hdră mtrŭn klei bi kƀĭn prŏng Đảng 13, kluôm ala kčưm kơ bruă sang čư̆ êa dua gưl pioh kơ klei mđĭ kyar mrâo, Khua gĭt gai Đảng Tô Lâm mâo klei mtă lehanăn čang hmăng hlăm jih bruă kđi čar lŏ dơ̆ng čuê hdră êlan mơ̆ng khua gĭt gai Nguyễn Văn Linh – hlăm klei mlih mrâo, kjăp ktang, kreh knhâo, jĕ hŏng mnuih ƀuôn sang, klă mngač hlăm bruă mđĭ kyar lăn čar yang ƀuôn ngă phŭn êngiê, hŏng klei knhêč pral ba yua kdrăp mrâo mrang, ngă prăk doh, bi mlih mrô, duh mkra tŭ jing, mlih mrâo hlăm djăp mta, dưi mâo bruă kđĭ čar kjăp hŏng tač êngao, duh mkra bi hgŭm hŏng tač êngao, hlăm klei kreh knhâo ênuk mrâo, bi knar hŏng lu ala čar dlông rŏng lăn./.