VOV4.Êđê- Aguah 23/2, ƀuôn prŏng Hà Nội kdrưh kơăm mkŏ mjing Knăm bi hdơr 120 thŭn hruê kkiêng kơ Nguyễn Phong Sắc (01/02/1902-01/02/2022).  Dlanwg hră bi hdơr, Khua dlăng bruă Đảng ƀuôn prŏng Hà Nội Đinh Tiến Dũng lŏ bi hdơr klei hdĭp ngă bruă krŭ kdơ̆ng mơ̆ng Nguyễn Phong sắc, mñă klă klei tŭ jing mơ̆ng klei krŭ kdơ̆ng Xô Viết Nghệ Tĩnh čih yap klei kruăk knăl êlam mơ̆ng anôk dlăng bruă Đang kwar Krah boh nik bruă klam mơ̆ng Khua dlăng bruă Đảng krĭng Nguyễn Phong Sắc, jing klei bi mklă kơ klei thâo gĭt gai, hâo hưn mtô mblang, bi kƀĭn mnuih ƀuôn sang, iêo mkrum êpul mkŏ mjing hdră krŭ kdơ̆ng mơ̆ng phung ƀuôn sang Nghệ Tĩnh hluê su klei mĭn Khua gĭt gai Hồ Chí Minh. Săn asei hlăk mrâo 29 thŭn, ƀiădah klei hdĭp leh anăn bruă krŭ kdơ̆ng kdrưh kơăm mơ̆ng ñu ăt adôk hdĭp lă lar hlăm hƀuê ênuk bi blah krŭ kdơ̆ng lăn čar.

Pô mblang: H’Zawut Ƀuôn Yă