VOV4.Êđê - Dŭm êtuh čô bi ala kơ dŭm êpul bruă hŏng tač êngao, dŭm êpul êya tar rŏng lăn, dŭm êpul êya bi hgŭm hŏng Việt Nam nao leh ti knăm mkŏ mjing mmăt hruê 11/10 ti anôk bruă Êpul bruă mtô bi hriăm – klei kreh knhâo leh anăn Dhar kreh mơ̆ng Êpul hgŭm lu ala čar UNESCO ƀri wưng bi hdrơr 35 thŭn hruê UNESCO mâo hdră mtrŭn bi hdơr 100 thŭn hruê k’kiêng kơ khua gĭt gai Hồ Chí Minh, pô jhŏng ktang sua wĭt klei êngiê kơ djuê ana leh anăn Pô dhar kreh êdah êdi mơ̆ng Việt Nam.

Knăm mâo anăn “Khua gĭt gai Hồ Chí Minh: Pô bi ala kơ klei êđăp ênang leh anăn dhar kreh” mơ̆ng anôk bruă bi ala Việt Nam ti Prăng, Êpul bi ala mơ̆ng Việt Nam mbĭt hŏng UNESCO mkŏ mjing čiăng bi hdơr 35 thŭn hdră mtrŭn mâo Êpul gơ̆ng prŏng UNESCO bi klă hlăm klei kƀĭn tal 24 mkŏ mjing mơ̆ng hruê 20/10 – 20/11/1987.

VOV TâyNguyên/Pô mblang: Y-Ƀel Êban