VOV4.Êđê - Aguah 25/8, ti ƀuôn prŏng Thanh Hoá, hlăm ai êwa kdrưh kơăm, jiă kma klei bi hgŭm Việt Nam-Lào, Lào-Việt Nam thŭn 2022, 45 thŭn hruê bi siñê klei bi hgŭm Việt Nam-Lào, 55 thŭn hruê bi mjĕ Thanh Hóa - Hủa Phăn. 

Nao hlăm knăm bi hdơr mâo phung khau gĭt gai, anôk bruă hŏng tač êngao 2 ala čar Việt Nam - lao; khua gĭt gai 2 čar Thanh Hoá (Việt Nam) leh anăn čar Hủa Phăn (ala čar lao), hŏng phung knuă druh, đảng viên, mnuih ƀuôn sang, phung mă bruă, phung lĭng kahan, phung hđeh sang hră. Blŭ hrăm hlăm klei bi hdơr, Đỗ Trọng Hưng, Khua dlăng bruă Đảng čar Thanh hóa mñă klă: Việt Nam leh anăn Lao jing dua ala čar riêng gah jĕ giăm, čư̆ čhiăng êa krông mbĭt, mnăm sa êa krông Mekông, knang kơ duôr čư̆ Prŏng, mnuih ƀuôn sang dua ala čar msĕ kơ dhar kreh, mdrŏng klei khăp, klei mjĕ êrô, mkŏ mjing leh klei bi hgŭm, siă suôr lui thŭn.

H’ Zawut pô mblang