Ti knăm bi hdơr anăn, Khua bruă kƀĭn ala Trần Thanh Mẫn mñă, 80 thŭn – sa êwang êlan kdrăm k’ah, lehanăn ăt jing gru mngač kơ sa hdră êlan mrâo. Lăn čar hlăk čhuang hlăm hlăm ênuk gưl mrâo, hŏng klei ghĭr lehanăn klei êpa mhao rŭ mdơ̆ng lăn čar mdrŏng sah, kreh dhar jăk mơak, mkŏ mjing Đảng klă sĭt doh mngač, kjăp ktang.

Khua bruă kƀĭn ala đăo knang, jih jang êpul khua kiă kriê, knuă druh, đảng viên, mnuih mă bruă hlăm Sang kđăm mkra hdruôm hră bruă kđi čar Sự thật lŏ dơ̆ng mâo nanao klei thâo bi mguôp, mlih mrâo hŏng klei knhêč, bi leh jăk bruă kčah jao, đru mkŏ mjing Đảng lehanăn bruă rŭ mdơ̆ng lehanăn răng mgang lăn čar Việt Nam yang ƀuôn ngă phŭn êngiê./.