VOV4.Êđê - Aguah 12/10 kơ anăp, ti Hà Nội, srăng mkŏ mjing klei bi hdơr hrue phung duh mkra Việt Nam (13/10), lehanăn mpŭ mni kơ phung duh mkra Việt Nam kdlưn hĭn thŭn 2022. Bi êdah leh klei anei ti anôk bi kƀĭn hŏng phung ngă bruă klei mrâo aguah mbrue (6/10) mơ̆ng êpul hgŭm duh mkra mnia mblei lehanăn tuh tia Việt Nam VCCI. Ti anôk bi kƀĭn hŏng phung ngă bruă klei mrâo, Khua kiă kriê Êpul hgŭm anei Phạm Tấn Công lač jih jang bruă ngă anei kñăm kkuh mơak hrue Phung duh mkra Việt Nam 13/10 thŭn anei.

Hlăm anăn, ngă dŭm bruă yuôm bhăn jing trông čhai kreh knhâo “Knhuah hlăm klei duh mkra lehanăn dhar kreh mnia mblei Việt Nam hlăm boh klei mrâo” Lehanăn klei bi hdơr phung duh mkra Việt Nam, mpŭ mni kơ phung duh mkra kdlưn hĭn thŭn 2022. Êpul mkŏ mjing, mkŏ mjing leh klei bi kƀĭn hŏng phung ngă bruă klei mrâo kñăm bi êdah klei bi knă lmrâo mơ̆ng phung duh mkra kdlưn hĭn anăn. Mơ̆ng anăn, mâo 6 klei bi knăl jăk kơ 6 mta čuăn kơ knhuah duh mkra hlăm phung duh mkra Việt Nam mâo VCCI bi êdah: Jing mđĭ klei tŭ dưn bruă duh mkra ala ƀuôn, hlue ngă djŏ klei bhiăn, mă bruă hŏng klei ênuah, mtăp mđơr, mâo klei knhăk, bi hgŭm mđrăm mbĭt mđĭ kyar. Thâo răng mgang wăl hdĭp mda, khăp kơ lăn čar, mâo bruă klam hŏng yang ƀuôn lehanăn găp djuê./.

 VOVTâyNguyên/Pô mblang: Y-Khem Niê