VOV4.Êđê- Aguah mbrue (6/4) jing hrue 6/3 hlue mlan ƀlĕ, ti sang yang Đức Quốc Tổ Lạc Long Quân, lehanăn sang yang Mẫu Âu Cơ hlăm alŭ wăl knhuah gru hƀuê ênuk sang yang mtao Hùng, ti ƀuôn prŏng Việt Trì, Bruă Đảng, bruă sang čư̆ êa lehanăn phung ƀuôn sang čar Phú Thọ bi ala kơ phung ƀuôn sang, lĭng kahan, mnuih Việt Nam pô hdĭp ti ala tač êngao mkŏ mjing knăm bi hdơr hrue djiê kơ mtao ti sang yang Đức Quốc Tổ Lạc Long Quân, lehanăn čuh brui mngưi ti sang yang Mẫu Âu Cơ.

Knăm ngă yang anei dưi ngă hŏng klei mpŭ hlue knhuah gru đưm, lehanăn dưi răng mgang kjăp klei ruă tưp Covid 19. Hŏng knhuah “mnăm êa hdơr kơ akŏ” jing hdơr knga kơ aê aduôn pô đưm, anei jing knhuah siam mơ̆ng djuê ana Việt Nam.

Lŏ hdơr kơ aê aduôn đưm pô mkŏ mjing lăn čar mjing phŭn agha kơ klei mđĭ kyar mơ̆ng djuê ana ala čar ară anei. Anak čô hdơr knga nanao kơ ai tiê prŏng prĭn mơ̆ng phung mta đưm mkŏ mjing leh lăn čar./.

         Pô mblang: Y-Khem Niê