VOV4.Êđê- Aguah mbruê 10/6, ti msat lĭng kahan djiê êngiă kdriêk knông lăn Ngọc Hồi, bruă Đảng čar, bruă sang čư êa, dhar bruă mặt trận čar Kon Tum mkŏ mjing leh knăm čang djiê, bi hdơr leh anăn dơr klang 13 čô lĭng kahan djiê êngiă mơ̆ng êpul kahan K53 dưi kuai mă ti Lao leh anăn Campuchia hlăm yan bhang thŭn 2021 – 2022.

Hlăm klei mpŭ, êpul bi ala 3 čar Attapư, Sê Kông, Chăm Pa Sắc, mơ̆ng ala čar Lào, Rattanakiri, ala mtao Campuchia, êpul bi ala wăl kahan 5, sư đoàn 10, êpul bi ala čar Kon Tum leh anăn lu mnuih ƀuôn sang ti kdriêk Ngọc Hồi nao myơr brui mngưi, kwang mnga bi hdơr kơ phung lĭng kahan djiê êngiă kyua klei êngiê ala čar, kyua bruă klam yuôm bhăn.

Hlăm 13 čô lĭng kahan djiê êngiă anăn, mâo 7 čô dưi kuai mă ti 3 čar krĭng dhŭng ala čar Lào jing dŭm čar Attapư, Sê Kông leh anăn Chăm Pa Sắc, 6 čô dưi kuai mă ti čar Rattanakiri, ala mtao Campuchia.

Pô mblang: Y-Ƀel Êban