Khua bruă Đảng ƀuôn prŏng Hồ Chí Minh Nguyễn Văn Nên mbĭt hŏng phung khua gĭt gai hđăp, phung khua gĭt gai Đảng, knŭk kna, khua gĭt gai ƀuôn prŏng Hồ Chí Minh, dŭm êpul lĭng kahan, dhar bruă, êpul êya ala ƀuôn, êpul bruă hŏng tač êngao dŭm ala čar ti ƀuôn prŏng, êpul bi ala dŭm čar, ƀuôn prŏng krĭng Dhŭng mbĭt hŏng mnuih ƀuôn sang ti ƀuôn prŏng bi hdơr, mpŭ kơ Khua gĭt gai Đảng Nguyễn Phú Trọng hŏng klei ênguôt hnĭng amâo mâo knhal. Nguyễn Văn Nên čih hlăm hră čang djiê mâo kdrêč “Hmei hdơr nanao kơ rup sa čô jĕ giăm, mtrŭn pô, sa ai hdĭp ktang, knhuah hdĭp prŏng, sa čô đảng viên bi hmô, siă suôr, sa čô khua gĭt gai êdah êdi, sa gru hmô êdah êdi hlăm klei tui hriăm leh anăn hluê ngă gru mngač Awa Hồ khăp hơiêng. Hmei srăng hluê hriăm, hluê ngă klei bi hmô mơ̆ng ñu leh anăn phung nao êlâo, ƀuăn lŏ čuê kơ knhuah gru hŏng klei năng djŏ, bi mguôp hĭn, gĭr hĭn hlăm bruă mkŏ mjing ƀuôn prŏng Hồ Chí Minh msĕ si klei ih čiăng, hrăm mbĭt mkŏ mjing leh anăn răng mgang lăn čar Việt Nam ƀrư̆ hruê ƀrư̆ mrâo mrang, yâo mơak, mdrŏng ktang. Mơĭt klei bi juh hŏng gŏ sang Khua gĭt gai Đảng Nguyễn Phú Trọng.”