Msĕ si sang mđung asăp blŭ Việt Nam hưn leh hrue mbrue, ti sang bi kƀĭn   Thống nhất (Ƀuôn prŏng Hồ Chí Minh) lehanăn ti ƀuôn sang alŭ Lại Đà, să Đông Hội, kdriêk Đông Anh (ƀuôn prŏng Hà Nội), Khua khua kiă kriê bruă Đảng gưl dlông, bruă kƀĭn ala, Khua lăn čar, knŭk kna dhar bruă Mặt trận čar kwar gưl dlông Việt Nam lehanăn găp djuê mkŏ mjing knăm čang ênuh kơ khua gĭt gai Nguyễn Phú Trọng, jing Khua knơ̆ng kiă kriê bruă gưl dlông Đảng Cộng sản Việt Nam, tui si klei bhiăn mkŏ mjing gưl lăn čar Knăm čang ênuh kơ khua gĭt gai Đảng Nguyễn Phú mâo mkŏ mjing hŏng klei mpŭ êdi.

Hlăm klei k’ŭ kyăm ênguôt hnĭng, êpul khua gĭt gai Đảng gưl dlông mâo Tô Lâm, Khua lăn čar yang ƀuôn ngă phŭn Việt Nam ngă khua êpul djă akŏ nao čang ênuh kơ Nguyễn Phú Trọng. Êpul mơ̆ng knŭk kna mâo Phạm Minh Chính, jing khua knŭk kna ngă khua êpul nao čang ênuh lehanăn mâo klei bi juh găp djuê Khua gĭt gai Đảng Nguyễn Phú Trọng. Hlăm klei ŭ k’yămn ênguôt hnĭng kơ khua gĭt gai Đảng Nguyễn Phú Trọng, Êơpul mơ̆ng khua lăn čar yang ƀuôn ngă phŭn Việt Nam mâo Tô Lâm djă akŏ nao čang ênuh lehanăn mâo klei bi juh găp djuê khua gĭt gai Đảng Nguyễn Phú Trọng. Êpul mơ̆ng bruă kƀĭn ala mâo Trần Thanh Mẫn, Khua bruă kƀĭn ala ngă khua êpul nao čang ênhuh lehanăn bi juh găp djuê khua gĭt gai Đảng Nguyễn Phú Trọng.