Knăm drông Khua gĭt gai Lao Thongloun Sisoulith mbĭt hŏng mô̆ ñu lehanăn êpul khua kiă kriê gưl dlông Đảng, Knŭk kna Lao, mkŏ mjing leh kdrăm k'ah ti Anôk bruă khua lăn čar, hlue hŏng klei bhiăn pioh kơ khua kiă kriê hŏng 21 mnah knŏng kkuh mơak.

Anei jing gưl tal êlâo Khua gĭt gai Lao Thongloun Sisoulith hriê čuă ti gưl lăn čar, êjai ala čar Lao jing khua kiă kriê ASEAN 2024; dua ala čar hlăk hlue ngă hdră mtrŭn mơ̆ng klei bi kƀĭn prŏng Đảng mnuih ƀuôn sang Lào gưl XI lehanăn hdră mtrŭn mơ̆ng klei bi kƀĭn prŏng Đảng Cộng sản Việt Nam gưl XIII hlăm jih wưng. leh knăm drông, ăt hlăm aguah mbrue, Khua gĭt gai Tô Lâm mâo leh klei bi trông gưl dlông hŏng khua gĭt gai Lao Thongloun Sisoulith kñăm lŏ dơ̆ng bi êdah klei hgŭm kluôm dhuôm, ba wĭt boh tŭ dưn kơ mnuih ƀuôn sang, lehanăn bi đru hdơ̆ng găp hlăm bruă alŭ wăl lehanăn tar rŏng lăn./.