Blŭ hrăm hlăm knăm anei, Khua hlăm Dhar bruă Đảng Lương Cường mñă klă: Bruă  Hră klei mrâo yang ƀuôn mkŏ mjing hưn mdah klei hâo hưn yuôm bhăn “Khua gĭt gai Đảng Nguyễn Phú trọng - Khua gĭt gai mâo ai tiê jăk, mâo hnơ̆ng mơ̆ng Đảng” jing bruă ngă yuôm bhăn klă sĭt, đru kơ phung knuă druh đảng viên mnuih ƀuôn sang leh anăn ƀĭng găp tar rŏng lăn thâo săng hĭn kơ klei hdĭp, bruă knuă, klei Khua gĭt gai Đảng Nguyễn Phú Trọng duh myơr leh, khua gĭt gai êdeh êdi, sa knuih hdĭp prŏng, knhuah mngač bi hmô.

Lương Cường mtă kơ Anôk bruă hâo hưn mtô mblang gưl dlông lar bra boh phŭn hla pŏk web hâo hưn kơ “Khua gĭt gai Đảng Nguyễn Phú trọng - Khua gĭt gai mâo ai tiê jăk, mâo hnơ̆ng mơ̆ng Đảng”. Mơ̆ng anăn kơrŭ wĭt klei đăo knang, ktưn hưn mơ̆ng knuă druh, đảng viên mđing kơ Đảng kdrưh kơang, kơ Awa Hồ, kơ djuê ana Việt Nam jhŏng ktang, mâo ai tiê mđĭ kyar lăn čar mdrŏng sah, jăk mơak.