Êlâo anăn, hruê tal êlâo jao mă kahan dưi mkŏ mjing ti 30 čar, ƀuôn prŏng hlăm kluôm ala, dŭm êbâo čô êdam êra hur har nao mŭt kahan, rơ̆ng djăp ênoh, hnơ̆ng jăk, mkŏ mjing atăt kahan wĭt kơ anôk bruă djŏ mmông, êđăp ênang. Thŭn anei kluôm ƀuôn prŏng Hà Nội mâo 1.471 čô čih hră akâo mŭt kahan. Đại tá Đào Văn Nhận, K’iăng Khua đru kčĕ anôk bruă kahan ƀuôn prŏng phŭn  Hà Nội brei thâo 8 mmông aguah, knăm jao kahan hrăm mbĭt mkŏ mjing ti 30 kdriêk, kdriêk čar ti ƀuôn prŏng phŭn Hà Nội. Ară anei 3.700 čô nao mŭt kahan leh anăn 794 čô hlue ngă bruă hlăm êpul kahan ksiêm yang ƀuôn mprăp nao wĭt kơ anôk bruă.

Ti Thanh Hóa, wăt tơdah yan adiê êăt leh anăn mâo daiê hjan brui ƀiădah amâo hmăi ôh kơ ai êwa hur har, ai tiê mơ̆ng êbeh 3.650 čô kahan. Dŭm alŭ wăl mprăp leh klei găl čiăng kơ knăm mkŏ mjing jăk mơak, atăt phung kahan nao ngă bruă klam./.