VOV4.Êđê- Leh 3 hruê mkŏ mjing Knăm m’ak boh durian Krông Pač tal 1 thŭn 2022 mjưh ruê̆ mmăt hruê 3/9. Mkŏ mjing mơ̆ng hruê 1/9 – 3/9, knăm anei mâo hlăm brô 40 êbâo čô nao hgŭm. 15 hdră phŭn ti knăm anei lui leh gru kruăk jăk siam hlăm ai tiê mnuih dlăng. Hlăm anăn, knăm hưn mthâo dŭm mta mnơ̆ng lŏ hma hŏng giăm 200 knưng mnơ̆ng mơ̆ng dŭm anôk bruă duh mkra, êpul hgŭm pla, mkra mjing, ba čhĭ mnơ̆ng lŏ hma hlăm lehanăn êngao čar mâo leh klei mđing mơ̆ng êbeh 10 êbâo čô nao čhưn dlăng.

Klei kƀĭn mtrŭt mđĭ hdră duh bi liê lehanăn mđĭ kyar mnơ̆ng lŏ hma, bruă lŏ hma h’ĭt kjăp kdriêk Krông Pač – thŭn 2022, mâo Anôk bruă sang čư̆ êa kdriêk Krông Pač bi mklă hră bi hdơr hŏng anôk bruă duh mkra 24 mta bruă hlăm hdră hiu čhưn, mtô bi hriăm, anôk bruă nah gŭ, wăl tuh tia mkra mjing, mkra mnơ̆ng lŏ hma truh êbeh 11 êbâo êklai prăk./.

                                                    Pô mblang: H’Nêč Êñuôl