VOV4.Êđê - Aguah hruê 15/5, ti Sang yơng Quán Sứ, Hà Nội, Êpul hgŭm klei đăo Yơng Việt Nam mkŏ mjing leh Knăm m’ak Phật đản Phật lịch 2566 - Dương lịch 2022. Knăm m’ak dưi mkŏ mjing klă anăp leh 2 thŭn bluh mâo klei ruă Covid 19, mâo leh dŭm êtuh čô tăng ni, Phật tử nao hgŭm. Thượng tọa Thích Đức Thiện, K’iăng khua kiă kriê, Khua čih hră Êpul hgŭm kiă kriê klei đăo yơng Việt Nam brei thâo: Anei jing hdră bruă yuôm bhăn, đru kơ phung đăo yơng bi êdah klei mnpŭ hŏng yang yơng, bi êdah ai tiê ênang ênĕ, hgŭm mguôp, thâo bi đru, dhar kreh hla hmum luôm hla tĭ mơ̆ng djuê ana Việt Nam. Mbĭt anăn, bi êdah klei đua klam yang ƀuôn mơ̆ng pô hlăk hgŭm kngan hŏng Êpul hgŭm klei đăo yơng Việt Nam hlăm hdră rơ̆ng kjăp klei êđăp ênang ala ƀuôn, mđing kơ mnuih ƀuôn sang leh bluh mâo klei ruă Covid 19./.

H’Nêč pô mblang