VOV4.Êđê - Hluê si klei ba mdah mơ̆ng Knơ̆ng bruă răng mgang klei êđăp ênang, Phŭn bruă lĭng kahan, êpul mă bruă Việt Nam ti Êpul hgŭm lu ala čar mkŏ mjing leh Knăm mđĭ grat Thượng tá kơ Lương Trường Vinh lehanăn Trung tá kơ Nguyễn Phúc Đông, mă bruă ti Knơ̆ng răng mgang klei êđăp ênang, Êpul hgŭm lu ala čar. Blŭ ti knăm anei, Pô bi ala Đặng Hoàng Giang bi mni klei gĭr lehanăn bi leh jih bruă klam mơ̆ng phung kahan dưi mđĭ grat thŭn 2022. Pô bi ala mtă hŏng bruă klam mrâo, phung kahan brei mđĭ klei thâo hlăm hdră mă bruă kơ Đảng, Knŭk kna, klei hgŭm hlăm bruă răng mgang klei êđăp ênang plah wah Việt Nam lehanăn Êpul hgŭm lu ala čar, boh nik tui duah klei găl mđĭ bruă nao hgŭm hlăm êpul răng mgang klei êđăp ênang Việt Nam ti dŭm Êpul ngă bruă mơ̆ng Êpul hgŭm lu ala čar./.

H’Nêč pô mblang