VOV4.Êđê - Aguah 8/8, ti Hà Nội, Phŭn bruă hŏng tač êngao Việt Nam kdrưh kơăm mkŏ mjing Knăm mđĭ hla čhiăm gru bi hdơr 55 thŭn hruê mkŏ mjing (8/8/1967 - 8/8/2022) leh anăn bi hdơr 27 thŭn hruê Việt Nam mŭt hlăm ASEAN (28/7/1995 - 28/7/2022), Khua phŭn bruă hŏng tač êngao Bùi Thanh Sơn gĭt gai leh anăn blŭ hrăm hlăm anôk bi kƀĭn. Khua phŭn bruă hŏng tač êngao Bùi Thanh Sơn bi mklă, klei bi hgŭm plah wah ASEAN hŏng dŭm ƀĭng hgŭm, mâo jih jang dŭm ala čar p’prŏng dlông rŏng lăn hlăk ƀrư̆ hruê ƀrư̆ đĭ kyar pral leh anăn êlam kyua klei tŭ dưn mbĭt. ASEAN ăt bi mklă bruă klam phŭn êdah kdlưn hlăm krĭng wăl leh anăn kluôm rŏng lăn.

Dŭm klei tŭ jing anei dưi mâo amâo djŏ ênưih ôh, anei jing klei tŭ dưn mơ̆ng klei gĭr ktưn amâo mdei mơ̆ng grăp ala čar ASEAN hŏng klei gĭr ktang leh anăn bi hgŭm tŭ dưn mơ̆ng ƀĭng găp leh anăn ƀĭng hgŭm lu ala čar. Việt Nam ăt ktưn hưn mâo leh klei đru mguôp pral, tŭ dưn kơ dŭm klei ƀuăn rơ̆ng mbĭt mơ̆ng krĭng ASEAN./.

H’ Zawut pô mblang