VOV4.Êđê - Hruê mbruê 26/5, êpul gĭt gai mơ̆ng ala čar kơ bruă gang mkhư̆ klei truh yan adiê bi mguôp hŏng phŭn bruă klei mrâo leh anăn hâo hưn, êpul hgŭm phung čih klei mrâo Việt Nam mkŏ mjing knăm mđup brei klei pah mni bruă klei mrâo kluôm ala kơ bruă gang mkhư̆ klei truh yan adiê – čŏng pô bi djŏ guôp hŏng klei mlih yan adiê”. Knăm pah mni anei dưi iêo mthưr klei nao hgŭm mơ̆ng lu anôk bruă klei mrâo leh anăn phung čih klei mrâo, phung čih mkra mơ̆ng dŭm anôk bruă klei mrâo gưl dlông leh anăn alŭ wăl. Mơ̆ng êbeh 900 klei čih hlăm 5 mta klei mrâo. Êpul mkŏ mjing hrŏng mă leh 35 klei čih kdlưn hĭn čiăng mđup brei klei pah mni hlăm knăm anei mâo: 4 klei pah mni mrô 1, 5 klei pah mni mrô 2, 10 klei pah mni mrô 3, 15 klei pah mni mđĭ ai leh anăn 1 klei pah mni “Klei yăl dliê mâo klei hmăi ktang hĭn”.

Y-Ƀel pô mblang