Să Ea Bung  jing să prŏng hĭn ti kdriêk Ea Sup hŏng goă, 30 êbâo ha. Kluôm să mâo 1.069 gŏ êsei hŏng 4.078 čô, mâo dŭm djuê ana Tày, Nùng, Mường, Thái, Êđê, Jrai, H’Mông, Chứt leh anăn Yuăn. Jih jang dŭm alŭ mkŏ mjing leh gru hmô răng mgang klei êđăp ênang. Hŏng êpul bruă djŏ tuôm mkŏ mjing bruă jih jang mnuih ƀuôn sang răng mgang knông lăn. Dŭm kđông kahan  răng mgang knông lăn Dak Ruê, Yok Bruê ăt đru kčĕ, đru mđĭ kyar bruă duh mkra - ala ƀuôn, boh nik hdră mkŏ mkra krĭng ƀuôn sang mrâo, đru kơ gŏ sang dleh dlan…

Hlăm jar knăm mơak mâo bruă dhar kreh, mjuăt ktang asei mlei leh anăn ksiêm mkă, mbha êa drao amâo mă prăk. Kyua Sang êa drao Hùng Vương, Klei Khăp ƀuôn prŏng Hồ Chí Minh bi hgŭm hŏng adŭ ksiêm mkă mdrao mgŭn bi mguôp knhuah kahan hŏng ƀuôn sang hlue ngă. Gưl anei, Anôk bruă răng mgang knông lăn čar Dak Lak, Knơ̆ng bruă sang čư̆ êa kdriêk Ea Sup.. mđup brei medai bi hdơr kơ 10 čô leh anăn pah mni kơ dŭm pluh čô, êpul mâo klei tŭ êdah kdlưn hlăm hdră “Jih jang mnuih ƀuôn sang răng mgang knông lăn”./.