Anei jing sa hlăm dŭm sang hră krĭng dleh dlan, dưi mkŏ mjing knăm mphŭn pŏk hnưm mơ̆ng čar. Êbeh 180 čô hđeh sang hră mơ̆ng sang hră gưl 1 Čư̆ Pui 2, sang hră ti Ea Rơ̆t nao hlăm knăm mphŭn pŏk hnưm thŭn hriăm mrâo 2024 – 2025. Anei jing sang hră dleh dlan, jŭm dar jing čư̆ čhiăng, êlan klông dleh dlan, gŏ sang ƀun ƀin êbeh 90%.

Nai Nguyễn Hồng Thuần, khua kiă kriê sang hră gưl 1 Čư̆ Pui 2 brei thâo: Thŭn hriăm 2024 – 2025, sang hră mâo 7 adŭ hriăm hŏng 186 čô hđeh sang hră. Sang dôk diñu bi kbưi, kyuăn mơ̆ng krah mlan 8 sang hră bi mguôp hŏng dŭm anôk bruă mtrŭt mjhar phung amĭ ama brei anak nao sang hră. Sang hră ăt mprăp ênŭm čiăng kơ phung hđeh mâo sa thŭn hriăm kluôm ênŭm, hơ̆k mơak leh anăn tŭ dưn.