Knăm mtrŭt mjhar mơ̆ng Phŭn bruă kahan ksiêm, Êpul hgŭm bruă phung mniê Việt Nam leh anăn bruă sang čư êa čar Lào Cai bi mguôp mkŏ mjing. Blŭ hlăm knăm mtrŭt mjhar, k’iăng Khua knŭk kna Trần Lưu Quang mñă ktang, klei čhĭ mnuih jing sa hlăm dŭm mta phung ngă soh arưp aram hĭn dlông rŏng lăn lăn. Ti Việt Nam hruê 30/7 dưi ruah jing hruê jih jang mnuih ƀuôn sang gang mkhư̆ klei tlĕ čhĭ mnuih, kñăm iêo jak ai ktang mơ̆ng bruă kđi čar leh anăn jih jang mnuih ƀuôn sang hlăm bruă bi kdơ̆ng hŏng phung ngă soh anei.

K’iăng Khua knŭk kna iêo mthưr klei nao hgŭm hur har mơ̆ng jih jang mnuih ƀuôn sang leh anăn dŭm anôk bruă, êpul bruă hlăm leh anăn êngao lăn čar čiăng msưh kdŭn phung ngă soh kbiă mơ̆ng yang ƀuôn, boh nik kñăm kơ bruă răng mgang phung hđeh leh anăn phung awăt êdu, klă hŏng akŏ hlăm thŭn 2024 “Amâo mâo lui kơ sa čô hđeh kơ tluôn.”