VOV4.Êđê - Aguah hruê 10/5, ti Hà Nội, dŭm êtuh čô hđeh hriăm hră nao leh ti Knăm mtrŭt mjhar Hruê m’ak wăl hdĭp mda lehanăn mđup brei klei pah mni Mlan lač h’aĭ hŏng ksu yua sa blư̆.

Thŭn êlâo, Anôk bruă mtô mblang mơ̆ng Phŭn bruă ngăn dŏ wăl hdĭp mda bi hgŭm hŏng Knơ̆ng bruă Sang hră m’ar mtô bi hriăm ƀuôn prŏng Hà Nội, Anôk bruă Nestle Milo Việt Nam pŏk ngă tŭ jing hdră bruă Mlan lač h’aĭ hŏng ksu yua sa blư̆ lehanăn klei bi lông bruă wăl hdĭp mda “Kyua sa wăl anôk Việt Nam pral kdal lehanăn mtah”. Anôk mkŏ mjing tŭ mă leh êbeh 3 êbâo klei čih mơ̆ng êbeh 500 sang hră kluôm ala. Dŭm mmông mtô bi hriăm kơ wăl hdĭp mda, dŭm čih kač rup ba bi lông, hdră bi mlih djah djâo mă mnơ̆ng yua, dŭm gru hmô lŏ mkra mjing mơ̆ng djah djâo hlăm gŏ sang jak iêo leh lu klei mđing dlăng mơ̆ng phung hđeh djăp gưl hriăm./.

H’Nêč pô mblang