VOV4.Êđê- Hlăm jar Klei bi lông phung hđeh êdah kdlưn dŭm djuê ana kluôm ala tal 4, aguah 23/9, ti Hà Nội, Bruă êdam êra gưl dlông Hồ Chí Minh, Êpul gơ̆ng Đội gưl dlông mkŏ mjing knăm pah mni “Phung hđeh êdah kdlưn dŭm djuê ana kluôm ala tal 4 thŭn 2022”. 263 čô hđeh êdah kdlưn mơ̆ng 54 djuê ana dưi pah mni leh anăn tŭ mă mêđai mơ̆ng Anôk dlăng bruă êdam êra gưl dlông.

Anei jing phung hđeh dŭm djuê ana mâo klei tŭ êdah kdlưn hlăm klei hriăm hră, gĭr hgŭn hlăm dŭm hdră bruă đội. Gĭr hgŭm hlăm dŭm hdră, bruă ksiêm hriăm răng kriê mđĭ lar knhuah dhar kreh dŭm djuê ana kyua Êpul gơ̆ng bruă Đội gưl dlông pŏk ngă. Boh nik, phung hđeh amâo djŏ knŏng jing hđeh hriăm thâo lu thŭn ôh, ƀiădah lŏ mâo lu klei pah mni yuôm bhăn hlăm dŭm gưl bi lông.

Pô mblang: H’Zawut Ƀuôn Yă