VOV4.Êđê- Aguah 22/6, ti čar Bà Rịa–Vũng Tàu, Khua Knơ̆ng bruă bi hgŭm đăo Khop Việt Nam, wưng thŭn 2018-2023 mkŏ mjing klei bi kƀĭn mjêč, ruah mbŏ phung mă bruă mprăp kơ Klei bi kƀĭn phung bi ala đăo khop Việt Nam mkŏ mjing leh anăn răng mgang čar kwar wưng thŭn 2023-2028. Hŏng ai tiê đua klam, êngiê leh anăn klă mngač, Klei bi kƀĭn bi trông, bi tŭ ư hră čih Hdră mtrŭn mkŏ mkra Anôk bruă mkŏ mjing klei bi kƀĭn phung bi ala kơ phung đăo khop Việt Nam mkŏ mjing leh anăn răng mgang čar kwar tal VIII, wưng 2023-2028; Bi tŭ ư hră hưn mdah mơ̆ng Êpul khua gĭt gai kơ bruă hưn mthâo mnuih mă bruă đru hlăm Anôk bruă, jih jang phung bi ala tŭ ư ruah Nguyễn Văn Toản, khua hlăm êpul khua gĭt gai ngă K’iăng Khua Anôk bruă gưl dlông bi hgŭm phung đăo Khop Việt Nam wưng 2018-2023. Mơ̆ng klei bi kƀĭn mjêč, phung bi ala ăt dưi hriăm mjuăt kơ hdră mkŏ mjing klei bi kƀĭn phung bi ala kơ phung đăo khop Việt Nam mkŏ mjing leh anăn răng mgang čar kwar wưng 2023-2028./.

                                               Pô mblang: H’Zawut Ƀuôn Yă