Klei kƀĭn ăt brei klei blŭ mguôp kơ hdră mtrŭn gĭt gai bruă klam lĭng kahan leh anăn mkŏ mjing bruă Đảng lĭng kahan thŭn kơ anăp. Bi klă hlăm klei kƀĭn, Khua gĭt gai Đảng Tô Lâm, Khua knơ̆ng bruă Đảng kahan gưl dlông mñă ktang thŭn 2025 jih jang lĭng kahan bi leh jăk bruă klam, hlăm anăn mâo lu bruă klam mâo boh tŭ dưn êdah êdi, mâo hnơ̆ng jăk mkŏ mjing bruă Đảng lĭng kahan lŏ dơ̆ng dưi krơ̆ng kjăp.

Bi kơ hdră tă thŭn 2026, khua gĭt gai Đảng mñă kơ Knơ̆ng bruă Đảng kahan gưl dlông leh anăn phŭn bruă lĭng kahan hluê ngă 6 êpul bruă klam phŭn, hlăm anăn hyuă kjăp leh anăn hluê ngă tŭ dưn hdră mtrŭn klei kƀĭn kluôm tal XIV mơ̆ng Đảng leh anăn 7 hdră mtrŭn hdră êlan mrâo ba mdah mơ̆ng Phŭn bruă kđi čar. Khua gĭt gai Đảng Tô Lâm mñă ktang jih jang lĭng kahan srăng jing gru hmô, bi êdah bruă klam nao êlâo hlăm bruă hluê ngă hdră êlan mơ̆ng Đảng, đru rơ̆ng kơ bruă lĭng kahan, klei êđăp ênang leh anăn mđĭ kyar lăn čar.