VOV4.Êđê- Aguah 13/2, ti ƀuôn prŏng Cần Thơ, Knơ̆ng bruă ksiêm dlăng gưl dlông mkŏ mjing  Klei bi kƀĭn hưn mdah Hdră mtrŭn mkŏ mjing Anôk dlăng bruă ti alŭ wăl VIII; hưn mdah mbha alŭ wăl ktuê dlăng bruă hlăm alŭ wăl VIII. Hluê anăn, Alŭ wăl VIII mâo anôk bruă mă bruă ti mrô 41 ti êlan Châu Văn Liêm, ƀuôn hgŭm Tân An, kdriêk čar Ninh Kiều, ƀuôn prŏng Cầm Thơ mâo Nguyễn Thanh Sơn ngă khua kiă kriê. Anôk bruă alŭ wăl VIII dưi mbha bruă klam ktuê dlăng dŭm alŭ wăl hlăm krĭng dap mnai krông Cưủ Long mâo: Cần Thơ, Đồng Tháp, An Giang, Tiền Giang, Bến Tre, Vĩnh Long, Trà Vinh, Hậu Giang, Sóc Trăng, Kiên Giang, Cà Mau, Bạc Liêu leh anăn bruă Đảng êpul kahan 9. Ngă bruă mơ̆ng hruê 10/2/2022. Êlâo anăn, akŏ mmông aguah, Êpul mă bruă mơ̆ng Knơ̆ng bruă ksiêm dlăng gưl dlông, Trần Cẩm Tŭ ngă khua no myơr brui mngưi, pla ana kyâo bi hdơr ti Sang yang mtao Hùng ti kdriêk čar Bình Thủy, Cần Thơ.

Pô mblang: H’Zawut Ƀuôn Yă