Knơ̆ng bruă mdrao mgŭn čar Gia Lai mâo khua kiă kriê mrâo leh lu thŭn mdhô̆ huông
Thứ bảy, 08:51, 16/03/2024
VOV Tây Nguyên
VOV Tây Nguyên
VOV4.Êđê - Aguah mbruê 15/3, Trương Hải Long, khua bruă sang čư êa čar Gia Lai jao leh klei bi klă mơ̆ng bruă sang čư êa čar tiŏ nao mâo wưng kčah hŏng Lý Minh Thái – k’iăng khua gĭt gai Knơ̆ng bruă mdrao mgŭn, păn ngă Khua kiă kriê knơ̆ng bruă mdrao mgŭn čar Gia Lai.
Trương Hải Long mñă kơ Lý Minh Thái hmar ngă bruă hlăm bruă păn mrâo, jing mta phŭn klei bi mguôp, ngă jăk bruă gĭt fai, lŏ dơ̆ng bi kluôm êpul phung mă bruă mdrao mgŭn, gĭr ktưn bi leh djăp bruă klam dưi jao, mđĭ hnơ̆ng tŭ jăk bruă kriê dlăng klei suaih pral mơ̆ng mnuih ƀuôn sang ti alŭ wăl.
Bi kjăp leh anăn mđĭ hnơ̆ng tŭ jăk klei mă bruă kơ phung mă bruă mdrao mgŭn, mđĭ ai dưi gĭt gai, kriê dlăng, ktrâo lač kơ dŭm anôk bruă ngă jăk bruă čŏng mkăp ngăn prăk đru mkŏ mjing hnư hrui wĭt leh anăn mđĭ hnơ̆ng klei hdĭp phung knuă druh, phung nai aê mdrao, phung ngă bruă mdrao mgŭn, hluê ngă tŭ dưn hdră êlan mđĭ kyar bruă mdrao mgŭn čar Gia Lai truh ti thŭn 2030.
Viết bình luận