Ti ƀuôn prŏng Ƀuôn Ama Thuôt, ară anei mâo leh êbeh 60 anôk bruă klei mrâo, adŭ bruă bi ala ngă bruă, hŏng êbeh 300 čô phung ngă bruă hlăk dôk ngă bruă. Blŭ hrăm ti anôk bi tuôm, Vũ Văn Hưng, Khua knơ̆ng bruă sang čư̆ êa ƀuôn prŏng Ƀuôn Ama Thuôt, čih pioh, dŭm anôk bruă klei mrâo păn kjăp bruă knuă, sa ai, đru mđĭ ai, lehanăn bi lar, ktur čih dŭm boh tŭ dưn mâo leh hlăm bruă duh mkra ala ƀuôn, bruă răng mgang klei êđăp ênang.

Hjăn anôk bruă jưh dôk ti Lăn Dap kngư mơ̆ng Sang mđung asăp blŭ Việt Nam, mâo đru mguôp leh prŏng êdi hlăm dŭm bruă mđĭ kyar klei duh mkra ala ƀuôn, bruă răng mgang klei êđăp ênang ti Ƀuôn Ama Thuôt, hlăm anăn jing kluôm čar Daklak. Mbĭt anăn, mâo klei hâo hưn, bi êdah klei jing lehanăn rup mơ̆ng klei găl, klei dưi, kơ dharr kreh, knhuah gru ti ƀuôn prŏng Ƀuôn Ama Thuôt truh hŏng jih jang mnuih ƀuôn sang, phung tue lehanăn mah jiăng hlăm ala čar pô lehanăn ala tac êngao./.