VOV4.Êđê- Ti ƀuôn prŏng Pleiku, êpul ngă bruă mơ̆ng Knơ̆ng bruă Tân Cảng Sài Gòn mkŏ mjing leh bruă tŭ mă rông ba truh kơ 10 čô mnuih mơ̆ng găp djuê phung êngiă asei, mnuih mâo bruă tŭ dưn hŏng cách mạng lehanăn mđup brei prăk hriăm hră mơar mâo anăn pia “Kuič mngač klei hmăng hmưi” thŭn 2022 kơ phung hđeh hriă hră dôk hlăm klei dleh dlan. Hlăm knăm anei, Knơ̆ng bruă anei jing knơ̆ng bruă dôk hlăm Êpul kahan êa mâo bi klă leh hră mơar tŭ mă rông ba truh 10 mnuih mơ̆ng găp djuê phung êngiă asei, lehanăn găp djuê mnuih mâo bruă tŭ dưn hŏng cách mạng ti 9 boh kdriêk mâo: Ia Grai; Đức Cơ; K’Bang; Kông Chro, Čư̆ Proong, Đăk Đoa; Ia Pa; krông Pa, lehanăn Măng Yang.

Wưng đru dlăng ba jing yap mơ̆ng mlan 7/2022, mâo prăk đru hlăm grăp mlan, kăp čuă êmuh mđĭ ai hlăm dŭm hrue knăm mơak hŏng ênoh prăk jing 22 êklăk prăk/čô/thŭn. Ăt wưng anei mơh, knơ̆ng bruă mkŏ mjing mđup brei prăk đru hriăm hră mơar “Kuič mngač klei hmăng hmưi” kơ 10 čô hđeh hriăm hră dleh dlan, gĭr hriăm hră mơar, grăp čô hđeh 5 êklăk prăk./.

Pô mblang: Y-Khem Niê