Êpul ngă bruă mơ̆ng kahan alŭ wăl 5 ksiêm dlăng boh sĭt ti dŭm anôk bruă mâo: kđông kahan Êpul gĭt gai lĭng kahan wăl 4 - Đô Vinh, Trung đoàn 896, Êpul kahan êdeh êdâo leh anăn anôk bi hriăm Khánh Vĩnh hlăm Knơ̆ng gĭt gai lĭng kahan čar Khánh Hoà.

Leh hmư̆ dŭm anôk bruă leh anăn phung mă bruă hưn mdah klei mă bruă, dŭm klei găl, klei dleh dlan hlăm bruă hluê ngă, Trung tướng Lê Ngọc Hải, khua knơ̆ng gĭt gai kahan alŭ wăl 5 mñă kơ phung mă bruă kñăm ai dưi, bi pral klei mă bruă čiăng hnưm bi leh, ba jao hdră djŏ hdră kčah, mbĭt anăn kñăm kơ hnơ̆ng jăk, klei siam, rơ̆ng klei thơ̆ng kơ bruă, wăl anôk kđông kahan. Knơ̆ng gĭt gai lĭng kahan čar Khánh Hoà jêñ jêñ ktuê dlăng klei mă bruă grăp hruê, hmao bi kƀĭn, hưn kơ kahan alŭ wăl 5 čiăng rơ̆ng dŭm hdră bi leh djŏ hŏng hdră kčah mâo leh.