Mơ̆ng hrue 15/1 - 16/2/2024, Hô̆ pui ĐNa-91222.TS hlăm êpul kahan êa ti ƀuôn prŏng Đà Nẵng hiu gak răng hlăm wưng Tết; mâo klei đru mbĭt hŏng dŭm boh hô̆ mran hiu trah mă kan mnuih ƀuôn sang kiă kriê klei êđăp ênang wăl êa ksĭ. Gưl bruă Đảng, êpul khua kiă kriê hô̆ pui kahan êa mâo mđing uêñ klei mkŏ mjing Tết hlăm hô̆ pui hŏng klei mơak, êđăp ênang, lehanăn jăk.

Trung tướng Thái Đại Ngọc bi mni kơ ai tiê thâo gĭr, mghaih msir jih jang klei dleh dlan hlăm êa ksĭ anôk angĭn ktang êa poh yă, ƀiădah ăt bi leh jăk bruă răng kriê klei êđăp ênang hlăm êa ksĭ wưng Tết; bi mguôp kjăp hŏng dŭm boh kŭmpăn kahan êa krĭng 3 tui tiŏ dŭm boh hô̆ pui mơ̆ng ala tač êngao mŭt kma soh hŏng klei bhiăn hlăm krĭng wăl êa ksĭ lăn čar pô./.