VOV4.Êđê - Tlam mbrue (21/8), tui si knơ̆ng bruă răng mgang knông lăn čar Kontum hưn êpul êya anôk bruă anei hgŭm leh hŏng kahan răng mgang knông lăn čar Tây Ninh mkŏ mjing nao dŏng mtlaih tŭ jing leh sa čô hđeh mniê 16 thŭn ti să Đăk Sŭ, kdriêk Ngọc Hồi, čar kontum lĕ hlăm klei arăng mplư ba čhĭ kơ Campuchia hŏng klei ƀuăn lač dah mă bruă hdjul prăk mlan lu.

Phŭn tal êlâo Y Liên hưn hŏng kahan răng mgang knông lăn thâo, snăn Lê Ngọc Nhất bi mjĕ hlăm êlan hla pŏk yang ƀuôn Facebook čhĭ hđeh anei kơ sa knơ̆ng bruă hŏng ênoh tal êlâo jing 1 êbâo 800 dolar, leh kơ anăn Y Liên lŏ dơ̆ng lĕ hlăm klei arăng čhĭ kơ knơ̆ng bruă mkăn. Kyua klei ktrŏ mơ̆ng bruă knuă, lehanăn amâo mâo dưi mă bruă ôh, Y Liên čiăng mdei bruă wĭt kơ Việt Nam ƀiădah knơ̆ng bruă brei jao prăk mtui 3 êbâo 500 dolar amâodah lŏ iêo mplư mnuih mkăn mơ̆ng 3 – 5 čô hriê mă bruă kơ knơ̆ng bruă snăn kơh dưi wĭt. ƀri mơh Y Liên mâo kahan răng mgang knông lăn Kontum lehanăn Tây Ninh hgŭm nao dŏng mtlaih. Leh mâo dŏng mtlaih, tlạm hrue 20/8, Y Liên mâo kahan răng mgang knông lăn Kontum lehanăn Tây Ninh ba wĭt kơ Việt Nam găn ƀăng jang knông lăn Mộc Bài, čar Tây Ninh, lehanăn wĭt kơ čar Kontum hŏng găp djuê./.

Y-Khem pô mblang