VOV4.Êđê- Hlăm dŭm hrue anei, ti 7 să knông lăn čar Daknông hlăk mtluk mtlak mkŏ mjing Hrue mơak jih jang phung ƀuôn sang bi răng mgang knông lăn thŭn 2022, mâo leh lu phung ƀuôn sang djăp djuê ana hlăm čar nao hgŭm. Ti anăn, mbĭt hŏng dŭm bruă dhar kreh kdŏ mmuiñ jiă knhuah gru dhar kreh djuê ana, phung bi ala bi kah mbha klei mưng juăt kơ bruă bi ktưn “Jih jang mnuih bi kiă kriê knông lăn, gơ̆ng knông lăn, lehanăn răng kriê klei êđăp ênang kơ ƀuôn sang krĭng knông lăn” bruă bi ktưn “kluôm ala mđrăm mbĭt kyua mnuih ƀun, amâo mâo lui sa čô mnuih kơ tluôn ôh”; lehanăn djăp hdră "Atăt adei nao sang hră". "anak rông kđông răng mgang knông lăn"; “hrăm mbĭt hŏng phung mniê ti knông lăn”...

Hlăm knăm mơak hrue jih jang phung ƀuôn sang răng mgang knông lăn anei ti să Thuận An, knơ̆ng bruă kiă kriê kahan răng mgang knông lăn čar Daknông mkŏ mjing leh klei mđup brei anăn knăl Bi hdơr “yua klei hnuk êngiê êđăp ênang ti knông lăn” mơ̆ng Knơ̆ng bruă kiă kriê kahan răng mgang knông lăn kơ sa čô mâo leh lu bruă đru mguôp yuôm bhăn hlăm klei răng kriê, răng mgang klei dưi êngiê lăn čar, knông lăn pô./.

Pô mblang: Y-Khem Niê