VOV4.Êđê - Lŏ dơ̆ng klei kƀĭn kơ tuôr mlan 7/2022, tlam mbruê 3/8, Knŭk kna bi trông kơ boh sĭt bruă brei čan duh bi liê bruă knŭk kna. Blŭ hlăm klei kƀĭn, Khua knŭk kna Phạm Minh Chính lač klă, mrâo anei, knŭk kna lŏ dơ̆ng mtrŭt mđĭ 6 êpul bi kƀĭn hŏng dŭm phŭn, dhar bruă, alŭ wăl ksiêm duah mta phŭn čiăng mtrŭt mđĭ klei brei čan duh bi liê bruă knŭk kna.

Hluê sĭ boh sĭt klei gĭt gai, ksiêm dlăng, ktuê dlăng  mrâo anei mơ̆ng dŭm êpul ngă bruă mâo leh klei bi klă, mñă klă čiăng hlăk mblang ya ngă sa ênoh prăk lu pioh ngă bruă krŭ wĭt leh anăn mđĭ kyar bruă duh mkra êmưt dưi brei čan. Khua knŭk kna mtă brei bi klă phŭn agha, hlei pô đua klam, tơdah djŏ kơ knŭk kna, knŭk kna srăng ngă, djŏ kơ dŭm phŭn bruă, phŭn bruă srăng ngă.

            Y-Ƀel pô mblang