VOV4.Êđê- K’iăng Khua knŭk kna Lê Minh Khái bi siñê Hdră mtrŭn mrô 260 mbha  amâo mă răk mâo 1.868 ton braih mơ̆ng hjiê kriê pioh ala čar kơ dŭm čar: Nghệ An, Dak Lak, Gia Lai čiăng đru kơ mnuih ƀuôn sang hmaĭ mơ̆ng klei ruă Covid-19 tal 2. Klă klơ̆ng, čar Nghệ An dưi mkăp êbeh 700 ton braih, čar Dak Lak 1.014 ton braih, čar Gia Lai 153 ton braih. K’iăng Khua knŭk kna mtă kơ Phŭn bruă mnuih mă bruă - kahan êka êkeh leh anăn ala ƀuôn, Phŭn bruă ngăn prăk msir mgaih hluê si hdră kčah, đua klam kơ klei hâo hưn leh anăn ênoh mrô hâo hưn. Knơ̆ng bruă sang čư̆ êa dŭm čar: Nghệ An, Dak Lak, Gia Lai klam kơ klei djŏ klă ênoh mrô hưn mdah leh anăn hmao ngă klei đru, djŏ mnuih, djŏ hnơ̆ng hlue si hdră kčah leh anăn djŏ guôp hŏng hdră gang mkhư̆ ti alŭ wăl.

Pô mblang: H’Zawut Ƀuôn Yă