VOV4.Êđê - Tlam 4/7, Khua knŭk kna Phạm Minh Chính hŏng phung hlăm knŭk kna, dŭm alŭ wăl bi trông kơ klei pŏk ngă dŭm hdră bruă êlan klông yuôm bhăn ala čar. Khua knŭk kna Phạm Minh Chính brei thâo, bruă pŏk ngă dŭm hdră bruă êlan klông phŭn ala čar jing ngă bruă yuôm bhăn mơ̆ng Hdră mtrŭn Klei bi kƀĭn Đảng tal XIII lač leh. Khua knŭk kna mtă kơ dŭm phŭn, dhar bruă, alŭ wăl lŏ dơ̆ng ktuê dlăng, ngă jăk bruă mprăp duh bi liê. Mđĭ ktang bruă ruh mgaih anôk ala, hlăm anăn bruă klam yuôm bhăn mơ̆ng bruă sang cư̆ êa alŭ wăl. Dăp prăk bi liê djăp čiăng hlue ngă dŭm hdră bruă leh anăn bi liê prăk tŭ dưn. Phŭn bruă rŭ mdơ̆ng, Phŭn bruă ngăn dŏ leh anăn wăl hdĭp mda lŏ dơ̆ng ktuê dlăng, tơdah lŏ mâo klei gun kpăk snăn ruh mgaih mtam čiăng mâo djăp mnơ̆ng pioh rŭ mdơ̆ng dŭm hdră bruă. Khua knŭk kna mtă pral bi leh Anôk bruă gĭt gai ala čar kơ klei mđĭ kyar anôk bruă nah gŭ; dŭm alŭ wăl mkŏ mjing Êpul mă bruă, hlăm anăn Khua Knơ̆ng bruă sang čư̆ êa jing Khua čiăng mđĭ pŏk ngă leh anăn msir mgaih klei gun kpăk mâo hlăm klei pŏk ngă hdră bruă…

H’ Zawut pô mblang