Blŭ pŏk klei bi kƀĭn, k’iăng khua knŭk kna, khua kiă kriê krĭng lăn dap kngư Trần Lưu Quang lač: Čiăng mâo klei mđĭ kyar kjăp ti lăn dap kngư, djŏ hŏng mta kñăm, klei čiăng mơ̆ng hdră mtrŭn mrô 23 mơ̆ng phŭn bruă kđi čar, Khua knŭk kna mâo leh klei bi mklă hdră êlan mă bruă mguôp bruă duh mkra ala ƀuôn hŏng bruă răng mgang klei êđăp ênang.

Klei bi kƀĭn tal anei bi trông si srăng ngă čiăng dưi bi sĭt jih jang mta kñăm. Kiă kriê mbĭt klei bi mkƀĭn mâo khua phŭn bruă kahan ksiêm Đại tướng Tô Lâm, ñu lač, Phŭn bruă kahan ksiêm đăo knang, kơ anôk bruă Đảng, bruă sang čư̆ êa lĭng kahan lehanăn mnuih ƀuôn sang dŭm boh čar ti Lăn dap kngư, dưi găn jih klei dleh dlan, klei lông dlăng, ngă tŭ jing bruă duh mkra ala ƀuôn, răng mgang kjăp klei êđăp ênang, pral atăt Lăn dap kngư mâo klei đĭ kyar prŏng, kluôm ênŭm lehanăn kjăp./.