Blŭ hrăm ti knăm anei, Kơiăng khua Anôk bruă kƀĭn ala Nguyễn Đức Hải mtă brei ksiêm dlăng kjăp mta phŭn gĭt gai mơ̆ng Gưl dlông, rơ̆ng mta phŭn, kluôm dhuôm, mđrăm mbĭt, sa ai lehanăn mjing boh sĭt djŏ guôp hŏng grăp alŭ wăl. Bi hrŏ klei lŏ tui čih hluê hdră mtrŭn êlâo ngă kơ hdră kčah anei amâo rơ̆ng klei klă klơ̆ng, amâo rơ̆ng mta phŭn mdê, kƀah boh tŭ tơdah hluê ngă.

Mbĭt anăn, brei mđĭ klei đua klam, boh nik jing klei đua klammơ̆ng pô djă akŏ hlăm hdră kiă kriê, gĭt gai lehanăn hluê ngă; ksiêm dlăng klei hluê ngă bruă klam, rơ̆ng klei klă mngač, kpă ênuah, tŭ dưn. Amâo dưi mčhua hŏng hdră mtrŭn čiăng ba wĭt boh tŭ kơ pô, ngă luič liê ti mang. Hŏng Knơ̆ng ksiêm hriăm hdră hạt nhân, Kơiăng khua Anôk bruă kƀĭn ala Nguyễn Đức Hải mtă brei ksiêm dlăng jih hdră kčah, tă hdră êlan đĭ kyar hlăm bruă hạt nhân kñăm pŏk hdră ksiêm dlăng, ba yua hlăm hdră mđĭ kyar ala čar hlăm wưng mrâo./.