Să Êa Bung dưi mkŏ mjing hluê hdră bi mŭt dua să hđăp, ebeh 390 km2, êbeh 9.700 čô mnuih. Să dôk ba yua kjăp anôk bruă knŭk kna dua gưl, ênoh hră mơar dưi msir mghaih djŏ wưng lehanăn êlâo wưng kčah êbeh 99%. Khă snăn, alŭ wăl dôk kƀah mnuih mă bruă, êlan klông, mbông mnuôr êa jhat rai dôk hmăi kơ hdră pla mjing, klei hdĭp mnuih ƀuôn sang, ênoh gŏ êsei ƀun, giăm ƀun adôk 35,4%.

Ti anôk mă bruă, Kơiăng khua knŭk kna Hồ Quốc Dũng mñă, Êa Bung jing alŭ wăl knông lăn adôk lu dleh dlan. Kyua anăn, brei mđing djăp klei găl mâo kơ hdră mđĭ kyar, boh nik êlan klông lehanăn mbông mnuôr êa. Kơiăng khua knŭk kna mtă kơ alŭ wăl lŏ dơ̆ng ksiêm dlăng, I khuăt anôk bruă, mđĭ boh tŭ hdră mă bruă knŭk kna, mđĭ hdră mlih mrô, mkra mlih klei ngă hră mơar, bi mklă mta phŭn ƀun čiăng mâo hdră đru./.