Kơiăng khua knŭk kna mñă leh kơ dŭm hdră msir kriê dlăng kñăm rơ̆ng dŭm mta kñăm ksiêm dlăng klei prăk luič ênoh hlăk hluê ngă bruă mkra mđĭ prăk mlan mơ̆ng hruê 1/7 kơ anăp. Kơ hdră msir mghaih dŭm bruă “Mjêč” ară anei, Kơiăng khua knŭk kna mñă brei rơ̆ng wăl anôk êđăp ênang, mđing djăp ai dưi klei mâo pŏk ngă hdră mtrŭn đru kơ yang ƀuôn, mkra mđĭ klei hdĭp mnuih ƀuôn sang, mđing kơ bruă rơ̆ng klei êđăp ênang amâo lui bluh mâo klei mtuh, pui ƀơ̆ng.

Klah čŭn ti anôk êmuh lehanăn wĭt lač klei êmuh ti Anôk bi kƀĭn tal 7, Khua Anôk bruă kƀĭn ala Trần Thanh Mẫn lač, mâo 162 čô bi ala êmuh lehanăn 31 gưl phung bi ala tăng mgăl. Mơ̆ng hdră êmuh lehanăn wĭt lač klei êmuh brei ƀuh, dŭm hdr êmuh, wĭt lač djŏ hŏng boh sĭt. Mnuih ƀuôn sang kluôm ala lehanăn phung bi ala mđing dlăng./.