Blŭ hrăm ti anôk bi kƀĭn, Kơiăng khua lăn čar Võ Thị Ánh Xuân mtă, čar Cà Mau leh bi mŭt mbĭt mâo lu klei găl mđĭ kyar, khă snăn ăt dôk lu klei dleh dlan: Anôk bruă êlan klông, hdră kdrăp mrô ka bi knar, klei hdĭp mnuih ƀuôn sang, boh nik ti krĭng taih kbưi ka đĭ kyar. Čar Cà Mau brei mđĭ lar klei găl mâo, hluê ngă hdră čuăl mkă, duh bi liê lehanăn mđĭ kyar hlăm hdră duh mkra, dhar kreh ala ƀuôn, bruă lĭng kahan, răng mgang klei êđăp ênang.

Kơiăng khua lăn čar Võ Thị Ánh Xuân, mtă kơ čar Cà Mau mtrŭt mjhar lehanăn hluê ngă dŭm hdră bi ktưn khăp kơ ala čar hŏng sa hdră klă sĭt, mjing boh tŭ dưn kơ ala ƀuôn. Ƀri gưl anei, čar Cà Mau mâo mđup brei Medai ngă bruă mrô 1; 7 čô medai ngă bruă dŭm mta, 9 čô, êpul êya mâo tŭ mă Hră pah mni mơ̆ng Khua knŭk kna; 163 êpul, 419 mnuih mâo tŭ mă Hră pah mni mơ̆ng Anôk bruă sang čư̆ êa čar./.