VOV4.Êđê - Hlăm dŭm hruê giăm tết anei ti čar Kon Tum, mâo lu gưl êdeh dŭ mdiăng hnư mnơ̆ng tết ăt dôk mjêč nao truh hŏng mnuih ƀuôn sang ti 6 alŭ, ƀuôn anôk phŭn bruă krŭ kdơ̆ng Bruă Đảng čar Kon Tum ti să Măng Ri, kdriêk Tu Mơ Rông. T

ết thŭn anei 145 gŏ sang ƀun ƀin ti să Măng Ri, grăp gŏ sang mâo čar Kon Tum đru brei 600 êbâo prăk leh anăn 28 gŏ sang giăm ƀun ƀin mâo 300 êbâo prăk čiăng đru hlăm klei ƀơ̆ng tết. Êngao kơ anăn, dŭm gŏ sang anei lŏ mâo hnư mnơ̆ng mđup brei mơ̆ng dŭm êpul êya, knơ̆ng bruă leh anăn êpul ngă bruă jăk, grăp hnư mnơ̆ng mâo ênoh mơ̆ng 500 êbâo prăk kơ dlông.

Nguyễn Đình Hồng ti knơ̆ng bruă mnia mblei Sâm Ngọc Linh Kon Tum brei thâo, mbĭt hŏng să Măng Ri, ti 5 să hlăm kdriêk Tu Mơ Rông mâo Xê Tăng, Ngọc Lây, Ngọc Yêu, Đăk Na leh anăn Văn Xuôi, knơ̆ng bruă anei ăt mđup brei leh kơ grăp alŭ ƀuôn 2 drei ŭn brei kơ mnuih ƀuôn sang ƀơ̆ng tết.

Y-Khem pô mblang