Blŭ hrăm ti anôk bi kƀĭn bi êdah bruă čuăl mkă čar Kon Tum, K’iăng khua knŭk kna Trần Hồng Hà mñă, klei čuăl mkă čar Kon Tum dôk hlăm hră mđĭ kyar kluôm kơ krĭng lăn dap kngư, mkŏ hŏng dŭm čar kwar krah, lehanăn krĭng Mê Kông.

Klei čuăl mkă anei jing mnơ̆ng kơ giê mkă pioh pai mă dŭm klei găl, anôk kơ bruă mđĭ kyar čar     Kon Tum hŏng 4 kmeh gơ̆ng phŭn jing: Krĭng pla mjing ana êa drao, mđĭ kyar bruă lŏ hma ênuk mrâo, bruă mkra mjing boh mnga bruă lŏ hma, lehanăn mđĭ kyar pui kmlă doh lehanăn bruă hiu čhưn ênguê Kon Tum srăng jing bruă phŭn kơ klei mđĭ kyar. Mta kñăm mjing atur kơ klei mă bruă truh kơ thŭn 2030, čar Kon Tum srăng jing čar mâo klei đĭ kyar pral, kluôm ênŭm lehanăn kjăp, hŏng klei mđĭ kyar mtah, păn kjăp knhuah gru dhar kreh djuê ana./.