Hlăm mmông bi tuôm, êbeh 120 čô ngă bruă klei mrâo čar Kon Tum leh anăn phung bi ala lŏ hrăm mbĭt ksiêm wĭt knhuah gru hing ang 98 thŭn hruê klei mrâo cách mạng Việt Nam mkŏ mjing leh anăn đĭ kyar. Blŭ hlăm mmông bi tuôm, Nguyễn Văn Hòa, k’iăng khua bruă Đảng čar Kon Tum mñă klă bruă klam mơ̆ng bruă klei mrâo hlăm bruă tă êlan klei hâo hưn, mkŏ mjing klei sa ai hlăm yang ƀuôn, bi kjăp klei đăo knang mơ̆ng dŭm gưl mnuih ƀuôn sang hŏng klei gĭt gai mơ̆ng Đảng, klei kiă kriê mơ̆ng knŭk kna, đru hluê ngă tŭ dưn mta kñăm, bruă klam mđĭ kyar bruă duh mkra ala ƀuôn mơ̆ng čar.

Klei pah mni bruă klei mrâo gưl ta 12 dưi mâo leh 60 klei čih. Êpul gơ̆ng bi klă mplĕ hrăm brei puăng ruah mă 27 klei čih kdlưn hĭn čiăng mđup brei klei pah mni. Ƀri wưng anei, Êpul hgŭm pơhung čih klei mrâo čar Kon Tum ăt mđup brei mêđai bi hdơr Kyua bruă klei mrâo Việt Nam mơ̆ng Êpul hgŭm phung čih klei mrâo Việt Nam kơ 2 čô.